Bakı, AzerVoice
Türkiyə xarici işlər naziri Hakan Fidan ABŞ dövlət katibi Marko Rubio ilə görüşüb.
AzerVoice xəbər verir ki, bu haqda Türkiyə Xarici İşlər Nazirliyi məlumat verib.
Məlumata əsasən, görüş zamanı ticarət əlaqələri və digər ikitərəfli məsələlər, o cümlədən müdafiə sənayesi məsələləri müzakirə edilib. Suriyadakı vəziyyət, Qəzzada baş verənlər və Ukrayna-Rusiya müharibəsi ilə bağlı məsələlər dəyərləndirilib. Qəzzada daimi atəşkəsin vacibliyini vurğulayan Fidan regional sülhün bərqərar olması üçün İsrail-Fələstin probleminin həll edilməli olduğunu bildirib.
Hakan Fidan həmçinin, Türkiyənin DEAŞ-la mübarizədə region ölkələrinin ata biləcəyi addımlarla bağlı fikirlərini çatdırıb.
Qeyd edək ki, daha öncə Hakan Fidan Münhen Təhlükəsizlik Konfransı çərçivəsində Böyük Britaniyanın xarici işlər naziri Devid Lammi ilə görüşüb. Görüşdə Suriyadakı vəziyyət və Qəzzadakı inkişaflar dəyərləndirilib.
