Bakı. AzerVoice:
Türkiyə iqlim böhranının nəticələrini ən çox hiss edən dövlətlərdən biridir.
AzerVoice xəbər verir ki, bu barədə Türkiyə prezidenti Rəcəb Tayyib Ərdoğan AFAD-ın sədrliyi ilə keçirilən Daşqın və Sel Riskinin Azaldılması Protokol Mərasimində çıxışı zamanı deyib.
"Təəssüf ki, 2023-cü il ölkəmizdə, o cümlədən dünyada ən isti il kimi qeydə alınıb. Biz iqlim dəyişikliyi, biomüxtəlifliyin itirilməsi və çirklənmə adlı üçlü planet böhranı ilə ən intensiv mübarizə aparan ölkələrdən birinə çevrilmişik. Son illərdə zəlzələlərdən sellərə, yanğınlardan daşqınlara, epidemiyalardan müharibəyə qədər bir çox fərqli problemlərlə üzləşmişik", - deyə o əlavə edib.
