Bakı. AzerVoice:
Türkiyə keçən il Qərbi Afrika ölkəsi Qanaya xaricdən sərmayə yatıran ölkələr arasında ikinci yeri tutub.
AzerVoice xəbər verir ki, bu barədə Qana İnvestisiyaların Təşviqi Mərkəzi (GIPC) ölkədə "Birbaşa Xarici İnvestisiyalar" üzrə 2023-cü il məlumatlarını açıqlayıb.
Paylaşılan məlumatlara görə, 2023-cü ildə Qanaya cəmi 649,5 milyon dollar sərmayə qoyulub.
2022-ci illə müqayisədə investisiyaların 55 faiz azaldığı bildirilib.
Məlumat üçün qeyd edək ki, Çin 211,89 milyon dollar sərmayə və 31 layihə ilə birinci, Türkiyə 173,27 milyon dollar sərmayə və 4 layihə ilə ikinci, Hindistan isə 77,93 milyon dollar sərmayə ilə üçüncü yerdədir.
Hafiz Rufizoğlu
