Bakı,AzerVoice:

20 milyon istifadəçiyə çatan Türkiyənin aparıcı maliyyə və texnologiya şirkəti Papara, Pakistan mərkəzli elektron pul şirkəti SadaPay-in səhmlərinin 100 faizini satın alıb.

AzerVoice xəbər verir ki, bu satınalma ilə Papara Avropadan sonra Yaxın Şərq və Cənubi Asiya bazarlarına daxil olub.

"Bu satınalma ilə SadaPay-ın innovativ və cəsarətli hərəkətlərini Papara-nın güclü texnologiyası və istifadəçi yönümlü yanaşması ilə gücləndirərək SadaPay-ı regionun ən əhəmiyyətli fintech oyunçusuna çevirməyi hədəfləyirik",-deyə Paparanın baş direktoru Emre Kenci bildirib.

Qeyd edək ki, 2019-cu ildə Brandon Timinsky tərəfindən qurulan, rekord müddətdə 1 milyon istifadəçiyə və illik ödəniş həcmi 1,5 milyard dollara çatan SadaPay, dünyada ən sürətlə böyüyən elektron pul qurumları arasındadır. Mastercard ilə əməkdaşlıq edərək Yaxın Şərq və Asiya (MEA) regionunda ilk saysız debet kartını təqdim edən SadaPay Pakistanda maliyyə transformasiyasının qabaqcıllarındandır. SadaPay qurulduğu gündən bəri Recharge Capital və Kingsway Capital tərəfindən iki raundda 20 milyon ABŞ dolları sərmayə almışdır.