Bakı, AzerVoice
7 ayda Şərqi Qara dənizindən Rusiya Federasiyası başda olmaqla 25 ölkəyə 19 min 339 ton su məhsulları ixrac edilib.
AzerVoice xəbər verir ki, bu barədə Şərq Qaradəniz İxracatçılar Birliyi İdarə heyəti Başçısı Saffet Kalyoncu deyib.
Kalyoncu, sözügedən xarici satışlardan 105 milyon 219 min 863 dollar mənfəət əldə edildiyini bildirib.
“Ötən ilin eyni dövründə 16 min 650 ton su məhsulunun ixracı müqabilində bölgədən 103 milyon 140 min 678 dollar gəlir əldə edilib. Beləliklə, Şərqi Qara dəniz regionundan akvakultura ixracı ötən ilin eyni dövrü ilə müqayisədə kəmiyyətcə 16 faiz, dəyər baxımından isə 2 faiz artıb” – deyə o qeyd edib.
Kalyoncu bildirib ki, 66 milyon 503 min 75 dollarla Rusiya Federasiyası birinci sıradadır. Rusiya Federasiyasından sonra 11 milyon 465 min 508 dollarla Belarus və 10 milyon 27 min 709 dollarla Vyetnam yer alıb.
“Keçən ilin eyni dövründən fərqli olaraq bu dövrdə bölgədən su məhsulları Ukrayna, Danimarka, Misir, Keniya, Filippin, İspaniya və Şimali Kipr Türk Respublikasına da (KKTC) satılıb.” – deyə Kalyoncu qeyd edib.
Su məhsullarının bölgənin əhəmiyyətli ixracat məhsullarından biri olduğuna diqqət çəkən Kalyoncu, sözügedən məhsulun ixracatında ili daha yaxşı rəqəmlərlə tamamlamağı gözlədiklərini ifadə edib.
Hafiz Rufizoğlu
