BAKI, AzerVoice
Lavrov Antalya Diplomatiya Forumunda iştirak edəcək
AzerVoice xəbər verir ki, Rusiyanın
xarici işlər naziri Sergey Lavrov aprelin 12-də Türkiyəyə səfər
edəcək və 11-13 aprel tarixlərində keçiriləcək 4-cü Antalya
Diplomatiya Forumunda iştirak edəcək.
Forum "Bölünmüş Dünyada Diplomatiyaya Qucaq açmaq" mövzusu ilə
Belek Turizm Mərkəzindəki NEST Konqres Mərkəzində baş tutacaq.
Rusiya Xarici İşlər Nazirliyinin sözçüsü Mariya Zaxarovanın açıqlamasına görə, Lavrov forum çərçivəsində çıxış edəcək və bir sıra ikitərəfli görüşlər keçirəcək. Görüşlərdə Yaxın Şərq, Şimali Afrika, Cənubi Qafqaz və Qara dəniz regionunda vəziyyət, həmçinin bəzi ölkələrlə münasibətlər müzakirə olunacaq.
Qeyd edək ki, forum Prezident Rəcəb Tayyib Ərdoğanın himayəsi və Türkiyə Xarici İşlər Nazirliyinin ev sahibliyi ilə təşkil edilir. Forum beynəlxalq diplomatiya üçün mühüm platforma sayılır və hər il dünyanın müxtəlif ölkələrindən liderlər və diplomatları bir araya gətirir.
