BAKI, AzerVoice
Türkiyə Xarici İşlər Nazirliyi ABŞ-ın Suriyaya qarşı tətbiq olunan sanksiyaların bir hissəsinin ləğv olunması ilə bağlı qərarını alqığşlayıb.
AzerVoice xəbər verir ki, bu barədə nazirliyin sözçüsü Öncü Keçelinin verdiyi açıqlamada deyilir.
“ABŞ administrasiyasının Suriya hökuməti ilə münasibətləri normallaşdırmaq yolunda nümayiş etdirdiyi güclü iradəni məmnuniyyətlə qarşılayırıq. Bu çərçivədə, Suriyaya qarşı sanksiyaların əhəmiyyətli bir hissəsinin daha ləğv olunması müsbət inkişafdır” - deyə, Keçeli bildirib.
O əlavə edib ki, Türkiyə, Suriyanın yenidən qurulmasına həm dövlət, həm də özəl sektor vasitəsilə, regional və beynəlxalq tərəfdaşlarla birlikdə töhfə verməyə davam edəcək.
Qeyd edək ki, ABŞ Prezidenti Donald Tramp Suriyaya qarşı 2004-cü ildən qüvvədə olan sanskiayaların ləğvi ilə bağlı fərman imzalayıb.
