Türkiyədə 1 Milyondan artıq şəxs İŞKUR vasitəsilə işlə təmin olunub

Türkiyənin Əmək və Sosial Müdafiə naziri Vedat Işıkhan, 2025-ci ilin yanvar-avqust ayları ərzində Türkiyə İş və İşçi Tapma Qurumu (İŞKUR) vasitəsilə 1 milyon 19 min 646 nəfərin işlə təmin olunduğunu açıqlayıb. Nazir sosial media hesabında yayımladığı açıqlamada, İŞKUR-un səkkiz ay ərzində əmək bazarının inkişafı istiqamətində mühüm nəticələr əldə etdiyini bildirib.

8 Sentyabr 2025 17:42

BAKI, AzerVoice, Nailə Babazadə

AzerVoice xəbər verir ki, nazir sosial media hesabında yayımladığı açıqlamada, İŞKUR-un səkkiz ay ərzində əmək bazarının inkişafı istiqamətində mühüm nəticələr əldə etdiyini bildirib.

Vedat Işıkhan, qurumun fəaliyyətinə dair aşağıdakı statistik göstəriciləri təqdim edib:

1 milyon 19 min 646 nəfər İŞKUR vasitəsilə işlə təmin olunub;

2 milyon 196 min 852 fərdi görüş həyata keçirilib;

593 min 593 iş yeri ziyarət edilib;

1 milyon 615 min 885 açıq iş (işəgötürən tərəfindən tələb olunan boş vəzifə) qeydə alınıb.

Nazir əlavə edib ki, məqsəd istehsalı, məşğulluğu və ixracatı artırmaqla əmək həyatını daha da gücləndirməkdir, “Güclü əmək həyatı, güclü iqtisadiyyat və güclü Türkiyə üçün çalışırıq. İŞKUR vasitəsilə mühüm uğurlara imza atırıq. İşəgötürəni, işçini və bütün cəmiyyəti bir araya gətirərək gələcəyimizi birlikdə quracağıq.”