BAKI,VOA, Nailə Babazadə
Türkiyə Daxili İşlər Nazirliyi son iki həftə ərzində 29 şəhərdə terror təşkilatı İŞİD-ə qarşı keçirilən əməliyyatlarda 139 şübhəlinin yaxalandığını bildirib.
Türkiyə Baş Polis İdarəsinin Kəşfiyyat İdarəsi, Terrorla Mübarizə (TEM) İdarəsi və Milli Kəşfiyyat Təşkilatı (MİT) rəhbərliyinin koordinasiyası ilə həyata keçirilən tədbirlər çərçivəsində terror təşkilatı İŞİD-ə qarşı genişmiqyaslı əməliyyat keçirilib.
Türkiyə Daxili İşlər Nazirliyi tərəfindən edilən açıqlamaya görə, son 2 həftədir 29 bölgədə davam edən əməliyyatlarda terror təşkilatı ilə əlaqəli olduğu müəyyən edilən 139 şübhəli saxlanılıb.
Respublika Baş Prokurorluqları ilə əlaqəli şəkildə Rayon Emniyyət İdarələrinin TEM şöbələri tərəfindən həyata keçirilən işlərdə yaxalanan şübhəlilərin; barələrində terror təşkilatı üzvlüyündən axtarış qərarı olduğu, təşkilatın fəaliyyətlərinə maliyyə dəstəyi təmin etdikləri və keçmiş dövrlərdə təşkilat daxilində fəaliyyət göstərdikləri müəyyən edilib.
Emniyyətdəki prosedurlardan sonra məhkəməyə sövq edilən şübhəlilərdən 14-ü çıxarıldıqları məhkəmə tərəfindən həbs edilərək həbsxanaya göndərilib. 9 nəfər haqqında adli nəzarət qərarı tətbiq olunarkən, digər şübhəlilərin emniyyətdəki prosedurları və dindirilmə proseslərinin davam etdiyi öyrənilib.
Açıqlamada həmçinin, "İŞİD terror təşkilatının fəaliyyət və maliyyə strukturlarına qarşı əməliyyatlarımızı davam etdiririk. Əməliyyatları müvəffəqiyyətlə həyata keçirən idarələrimizi, qəhrəman polisimizi, MİT rəhbərliyimizi və koordinasiyanı təmin edən Respublika Baş Prokurorluqlarımızı təbrik edirik" ifadələrinə yer verilib.
