BAKI,VOA, Fərid Mikayılov
İzmir mərkəzli 3 vilayətdə terror təşkilatı İŞİD-ə qarşı keçirilən əməliyyat zamanı 9 şübhəli saxlanılıb.
VOA xəbər verir ki, İzmir Respublika Prokurorluğunun apardığı istintaq çərçivəsində şübhəlilərin terrorizmin maliyyələşdirilməsində iştirak etdiyi müəyyən edilib.
Əməliyyat İzmir, İstanbul və Konya şəhərlərində eyni vaxtda həyata keçirilib. Jandarma qüvvələri tərəfindən müəyyən edilən ünvanlara keçirilən reydlər nəticəsində bütün şübhəlilər saxlanılıb.
Hüquq-mühafizə orqanları bildirir ki, terror şəbəkələrinin maliyyə kanallarının ifşa edilməsi istiqamətində əməliyyatlar davam etdiriləcək.
