BAKI,VOA, Fərid Mikayılov
Türkiyənin xarici işlər naziri Hakan Fidan ABŞ və İran arasında aparılan danışıqlarla bağlı nikbin açıqlama verib.
VOA xəbər verir ki, Fidan bildirib ki, tərəflər müsbət nəticə əldə etmək niyyətindədir və razılaşma əvvəlki dövrlərlə müqayisədə daha yaxın görünür.
Fidanın sözlərinə görə, ABŞ-İran müharibəsində diqqət hazırda Hörmüz boğazına yönəlib. O qeyd edib ki, boğazın faktiki blokadası həm Vaşinqton, həm də Tehran üçün ciddi təzyiq yaradır və bunun beynəlxalq təsirləri olduqca böyükdür.
Türkiyəli nazir bildirib ki, mövcud vəziyyət hətta nüvə proqramı ilə bağlı məsələlərdən daha prioritet mövzuya çevrilib.
