BAKI,VOA, Fərid Mikayılov
Milliyətçi Hərəkat Partiyasının (MHP) sədri Devlet Bahçeli partiyasının parlamentdəki qrup toplantısında çıxış edərək, Avropa İttifaqının (Aİ) son Türkiyə hesabatına və Ülkü Ocaqlarını hədəf alan bəyanatlarına çox sərt reaksiya verib.
VOA xəbər verir ki, Bahçeli Türkiyə Cümhuriyyətinin xarici aktyorların hədə və "tərbiyə etmək" imaları ilə nizama salına bilməyəcək bir güc olduğunu vurğulayaraq, Brüsselə "Hər kəs həddini biləcək" xəbərdarlığını edib.
Fransada keçirilən G7 sammitinə və ABŞ Prezidenti Donald Trampın "Müdür mənəm" sözlərinə toxunan MHP lideri, Avropanın İkinci Dünya Müharibəsindən bəri Vaşinqtonun təhlükəsizlik kölgəsindən çıxa bilmədiyini qeyd edib.
