BAKI,VOA Orxan Qədirzadə
2026-ci ilin yanvar-may ayında Türkiyədə Çin kapitalı ilə 74 şirkət qeydiyyata alınıb ki, bu da 2025-ci ilin eyni dövrü ilə müqayisədə fərqlənməyib.
Bu barədə VOA-ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan Çin şirkətlərinin məcmu kapitalı 301 milyon 332 min 812 türk lirəsi olduğu halda, 2025-ci ilin eyni dövründə bu rəqəm 330 milyon 405 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2026-cı ilin yanvar-may ayında Çin şirkətlərinin əksəriyyəti İstanbulda (50) qeydiyyata alınıb.
“İstanbulda qeydiyyatdan keçən Çin şirkətlərinin ümumi kapitalı 177 milyon 972 min 812 türk lirəsi təşkil edib”, – deyə TOBB-dan qeyd edilib.
Məlumata əsasən, 2026-cı ilin yanvar-may ayında Türkiyədə Çin kapitalı ilə 39 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.
