BAKI, AzerVoice, Azər Hüseynov Tarixçi, İstanbul Zaim Universitetinin Tarix və Mədəniyyət Bölümü Doktorantı, Qafqaz Etno-Sosial Araşdırmalar Mərkəzinin eksperti, xüsusi olaraq AzerVoice üçün
Dünyada nələr baş verir? Son günlər Pakistan və Əfqanıstan arasında demək olar ki, balaca müharibə gedir. Axı niyə? Bu sadəcə ərazi mübahisəsi məsələsidir mi? Mən bunu başqa cür oxuyardım. İlk öncə Əfqan cəmiyyəti Suriya cəmiyyəti qədər sekulyar olmadığı üçün burada beynəlxalq qüvvələrin qarşılıqlı razılığı əsasında Suriya modelində bir Ulus dövlət qurulmadı. Bizim şərti "islamçı məhəllə" nin insanları özünü aldatmasın. Suriya xalqının böyük əksəriyyəti sadəcə olaraq Əsəd getməsini və onun yerində daha mülayim hakimiyyətin olmasını istəyirdi. Əfqan cəmiyyəti belə deyildir.
Ona görə Əfqanıstanda İslam Əmirliyi yarandı. Hətta heç nə etməsə belə bu dünya siyasi sisteminə bir "paz" olaraq yetər. Belə özünü adlandırma belə qıcıq doğurur, beynəlxalq sistemdə. Daha sonra bu yaxınlarda Tramp Əfqanıstandan Bagramı yenidən istədi. Amma Əfqanlar vermədi. Dərhal sonra işə Pakistan qarışdı sanki. Pakistan güclü bir dövlətdir. Nüvə gücüdür. Bu onu üstün edən cəhətdir. Lakin Əfqan xalqı 200 ildir vuruşur. Silahla yatan və artıq bunu özünün bir atributu hesab edən, zaman-zaman mücahid belə ixrac edən xalq olmuşdur. Bir zamanlar, Gulbəddin Hikmətyarın zamanında bura gəlib bizimlə birlikdə Ermənistan və onun dayısının təcavüzünə qarşı vuruşan insanlar da az olmamışdır.
Bəlkə bu yazını onların balaları və ya qohumları belə oxuyacaq. Yəni, dünya tekstilinin fabrikası halına gələn Pakistan Əfqanıstan İslam Əmirliyini bombalaya bilər. Lakin onunla çox davamlı savaşmaz. Çünki o daxilində də puştunlar vardır.
Bir də mən yazanda ki, sonda məqsəd Qəzzada beynəlxalq konsorsium qurmaqdır bəziləri elə belə baxırdı. Mən bunu müsahibələrimdə dəfələrlə demişəm. Bu gün onun ilk mərhələsidir. Əgər HƏMAS silahı yerə qoymasa ona qarşı bütün imza atanların birgə məcburetmə əməliyyatı da istisna deyildir. Maraqlısı odur ki, HƏMAS terrorçu deyil "bir direniş harekatı" deyənlər belə artıq onu silahı təhvil verməsə terror təşkilatı olaraq qəbul edəcəkdir. Hətta əslində edib də. Tramp da açıq dedi. Əgər silahı verməsə biz onu vurarıq. Dünyada bax bunlar baş verir.
Sonra Maduronu da Maçado dirəyibdir. Venesuella sərvətlərini Amerikaya peşkəş çəkməyə hazır olan bir Nobel mükafatı laureatı. Artıq dünyada imperializm açıq oyanır. Bir zaman bala Buş demişdi ya bizimləsən, ya bizə qarşısan. Bu gün yenə eyni şeydir. Eyni. Zərrə qədər fərqi yoxdur.
