Yəməndə hökumətdə aparılan genişmiqyaslı kadr dəyişiklikləri çərçivəsində ölkə tarixində ilk dəfə qadın xarici işlər naziri vəzifəsinə təyinat həyata keçirilib.
ArabAZ xəbər verir ki, Yəmənin rəsmi SABA xəbər agentliyinin yaydığı məlumata görə, Prezident fərmanı ilə Baş nazir Şai Möhsin əz-Zindaninin rəhbərlik etdiyi hökumətin tərkibində yenilənmə aparılıb. Fərmana əsasən, Əfrah Əbdüləziz əz-Zubə Yəmən tarixində ilk qadın xarici işlər naziri təyin olunub.
- Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
- Prezident İlham Əliyev Mərakeş Kralını və xalqını təbrik edib
- Suriyanın şimal-şərqində aşirət səfərbərliyi nəyə işarə edir?
- Könül Xasıyeva sənətinin ərəb musiqisindəki dəqiq analoqu kimdir?
- Türkiyənin sabiq baş naziri Əhməd Davudoğlu siyasətlə vidalaşdı
Nazirlər Kabinetində yeni təyinatlar
Kadr dəyişiklikləri çərçivəsində Bədr Məhəmməd Mübarək Basəlmə Planlaşdırma və Beynəlxalq Əməkdaşlıq naziri, Əhd Məhəmməd Salim Casus isə Yerli İdarəetmə naziri vəzifəsinə gətirilib.
Yeni xarici işlər naziri Əfrah Əbdüləziz əz-Zubə bu təyinata qədər Planlaşdırma və Beynəlxalq Əməkdaşlıq naziri vəzifəsində çalışıb. Hökumət rəhbəri Şai Möhsin əz-Zindani isə indiyədək həm baş nazir, həm də xarici işlər naziri vəzifələrini paralel olaraq icra edirdi.
Yəmən idarəçiliyində mühüm addım
Qeyd edək ki, 2026-cı il fevralın 6-da formalaşdırılan Şai Möhsin əz-Zindani kabinetində ümumilikdə 35 nazir təmsil olunur və onlardan üçü qadındır.
Bu təyinat Yəmənin dövlət idarəçiliyi tarixində qadınların yüksək dövlət postlarında təmsilçiliyinin artırılması və gender bərabərliyi baxımından mühüm tarixi hadisə kimi qiymətləndirilir.
Mavritaniyanın antiterror modeli-Sələfilərlə dialoq və inteqrasiya
