Səudiyyə Ərəbistanı, Misir, İordaniya, Pakistan, İndoneziya, Türkiye, Qətər və BƏƏ-nin xarici işlər nazirləri birgə bəyanat yayıblar. Onlar İsrailin Əl-Əqsa məscidində gərginliyi artırmasını ən kəskin şəkildə pisləyiblər.
Minlərlə radikal yəhudi və Ben-Qvir Əl-Əqsa məscidinə basqın etdi
ArabAZ xəbər verir ki, bəyanatda radikal İsrail nazirlərinin və məskunlaşanların Əl-Əqsaya kütləvi basqınları pislənilib. İsrail polislərinin məscid həyətində bayraq qaldırması və çadırlar qurması təxribat kimi qiymətləndirilib. Nazirlər bu addımların beynəlxalq hüququ və BMT qətnamələrini kobud şəkildə pozduğunu bildiriblər. Ayrıca, Şərqi Qüdsdəki müqəddəs məkanların tarihi statusunun tapdalandığı vurğulanıb.
XİN rəhbərləri radikal qrupların və nazirlərin zorakılıq çağırışlarını da pisləyiblər. Onlar xəbərdarlıq ediblər ki, bu əməllər nifrət və ekstremizmi alovlandırır. Eyni zamanda, iki dövlətli həll əsasında sülh qurmaq səylərinə böyük zərbə vurur.
- Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
- Prezident İlham Əliyev Mərakeş Kralını və xalqını təbrik edib
- Suriyanın şimal-şərqində aşirət səfərbərliyi nəyə işarə edir?
- Könül Xasıyeva sənətinin ərəb musiqisindəki dəqiq analoqu kimdir?
- Türkiyənin sabiq baş naziri Əhməd Davudoğlu siyasətlə vidalaşdı
- İsraildə parlament seçkilərində əsas iddiaçılar kimlərdir?
Köhnə Şəhərə və ibadət yerlərinə qoyulan məhdudiyyətlər də sert tənqid olunub. Nazirlər bunun beynəlxalq humanitar hüquqa zidd olduğunu bildiriblər. İsrailin işğal olunmuş Qüds və oradakı müqəddəs yerlər üzərində heç bir suverenliyi olmadığı xüsusi qeyd edilib.
Bəyanatda İsrailin Şərqi Qüdsün demoqrafik və hüquqi xarakterini dəyişmək cəhdləri rədd edilib. Nazirlər Haşimi qəyyumluğunun tarixi rolunu bir daha tanıyıblar. 144 dönümlük Əl-Əqsa ərazisinin yalnız müsəlmanlara aid olduğu xatırladılıb. Məscidin idarəçiliyinin isə yalnız İordaniyaya tabe olan Qüds Vəqfləri İdarəsində olduğu vurğulanıb.
Sonda İsrailə çağırış edilib. Müsəlmanların ibadətinə qoyulan məhdudiyyətlər dərhal qaldırılmalıdır. Nazirlər beynəlxalq birliyi də İsrailin qanunsuz əməllərini dayandırmaq üçün qətiyyətli addımlar atmaya səsləyiblər.
