Bakı,AzerVoice

Fransa prezidenti Emmanuel Makronun Rusiya qüvvələrinin irəliləyişinə qarşı çıxmaq üçün Qərbin Ukraynaya birbaşa hərbi müdaxiləsinin mümkünlüyü ilə bağlı təklifi Qərb müttəfiqləri arasında strateji fikir ayrılığına səbəb olub.

Qərb Rusiyanın işğalı qarşısında Ukraynanı dəstəkləməkdə ümumiyyətlə yekdil olsa da, NATO qüvvələrinin nəhəng nüvə arsenalına malik ölkəyə qarşı birbaşa hərbi qarşıdurmaya girməsini  bir çox  avropalı siyasəçi dəstəkləmir. Digər tərəfdən Makron bu fikirləri onunla əsaslandırır ki, Rusiya Ukraynada qalib gəlsə bu  Avropa üçün çox ciddi təhlükə olacaq.

Napaleol “ başmağı” geyinən Makron qeyd edir ki, Kiyevə yardım üçün “heç bir məhdudiyyət yoxdur”.

Fransa prezidenti Emmanuel Makron tərəfindən iki ay əvvəl edilən və son bəyanatlarında təkrarlanan bu bəyanatlar müttəfiqlər arasında Rusiyanın simasında Ukraynaya dəstəyin həcmi ilə bağlı fikir ayrılıqlarının nə dərəcədə olduğunu görməyə imkan verdi.
Makron Avropanın və ümumilikdə anti-Rusiay  blokunun  passivliyini  “strateji qeyri-müəyyənlik” adlandırır.

Əslində isə Makronun hədəfi Avropada olan lider boşluğunu doldurmaqdır. Makron avropalı qonşuları qarşısında liderliyi ələ almağı və onunla bir Avropa gücü kimi “irəli getməyi” olduqlarını göstərmək istəyir.

Digər tərəfdən, Avropa ölkələri ABŞ-ın keçmiş prezidenti Donald Tramp gələn ilin noyabrında ABŞ-da keçiriləcək prezident seçkilərində qalib gələrsə, Amerikanın Avropaya dəstəyinin (xüsusilə də hərbi) azalması və ya itirilməsindən qorxur.