Bakı,AzerVoice
Suverenlik Şurasının rəhbəri, Sudan Ordusunun komandanı Əbdülfəttah Əl-Burhan bazar günü Port Sudan şəhərində (müvəqqəti paytaxt) Həsən Şahini İrandakı səfiri və fövqəladə səlahiyyətli nümayəndəsi kimi etimadnaməsini qəbul edib. Qeyd edək ki, iki ölkə arasında diplomatik münasibətlər səkkiz ilə yaxındır ki dayanıb.
Sudan Xarici İşlər Nazirliyinin müşaviri Hüseyn Əl-Əmin mətbuata verdiyi açıqlamalarda səfirin etimadnaməsini təqdim etməsinin iki ölkə arasında ikitərəfli münasibətlər prosesində yeni mərhələnin başlanğıcı olduğunu qeyd edib.
İran səfiri öz növbəsində bildirib ki, etimadnaməsinin təqdim edilməsi “iki ölkə arasında səfirlərin mübadiləsi və ikitərəfli münasibətlərin təşviqi ilə bağlı ümumi konsensus çərçivəsindədir”. O, “İran İslam Respublikası ilə Sudan arasında əməkdaşlıq əlaqələrinin gücləndirilməsi üçün əlindən gələni edəcəyini” vurğulayıb.
Həsən Şah ölkəsinin “Sudanın ərazi bütövlüyünü və milli suverenliyini dəstəklədiyini” bildirib.
Ötən ilin oktyabrında iki ölkə rəsmiləri arasında aylarla davam edən görüşlərdən sonra Sudan İranla diplomatik münasibətlərin bərpa olunduğunu elan etmişdi.
Sudan ordusu ötən çərşənbə günü bildirib ki, bəzi xəbər saytlarında və mediada İranın təyyarə gəmisini Qırmızı dənizə yerləşdirməkdən imtina etməsi ilə bağlı yayılan xəbərlər həqiqəti əks etdirmir.
Bu barədə Sudan Silahlı Qüvvələrinin rəsmi sözçüsü Nabil Abdullahın Facebook-da açıqlama da verib.
O, Sudan Suverenlik Şurasının İranla münasibətləri bərpa etmək istəyini, il yarımdır Sürətli Dəstək Qüvvələrinə qarşı apardığı müharibədə orduya hərbi dəstək almaq səyləri ilə izah edib. İran Qırmızı dənizdə Sudan sahillərində özünə yer tapmağa çalışır.
Qərb mediası bir sıra xarici rəsmilərə istinadən xəbər verir ki, İran Sudan ordusuna “Muhacir 6” adlı pilotsuz təyyarələr göndərib.
Sürətli Dəstək Qüvvələri, həmçinin Sudan ordusunun paytaxt Xartumun ikinci böyük şəhəri olan Omdurman şəhərində onlara qarşı döyüşlərdə istifadə etdiyi İran istehsalı olan 3 pilotsuz təyyarənin vurulduğunu açıqlayıb.
İki ölkə arasında yeni yaxınlaşma 2023-cü ilin iyulunda Qoşulmama Hərəkatının Nazirlər Komitəsinin iclası çərçivəsində iki ölkənin xarici işlər nazirləri arasında Azərbaycanda keçirilən görüş zamanı başlayıb.
Qeyd edək ki, 2016-cı ilin iyununda devrilmiş Sudanın prezidenti Ömər əl-Bəşirin hökuməti İranla əlaqələrini kəsdiyini və səfirini Xartumdan qovduğunu bəyan etmişdi.
