Bakı,AzerVoice
İngiltərə Premyer Liqa komandalarından olan Mançester Siti ispaniyalı baş məşqçi Pep Qvardiola ilə yeni iki illik müqavilə imzalayıb.
AzerVoice xəbər verir ki, yeni anlaşma ilə Qvardiola 10 ildən çox komandanın başında qalacaq.
Sitini idarə edərkən altısı Premyer Liqa, biri UEFA Çempionlar Liqası olmaqla, 18 kubok qazanan ispan çalışdırıcı, Premyer Liqa tarixində 100 xal toplayan ilk məşqçi olub.
490 matça çıxan və bu matçların 353-də qalib gələn Pep Qvardiola 72 faiz qalibiyyət nisbətinə çatıb. Komanda bu oyunlarda min 200 qol vurub.
İmzalanma mərasimində çıxış edən Qvardiola Mançester Sitinin onun üçün çox şey ifadə etdiyini vurğulayıb.
