BAKI, AzerVoice
İngiltərə millisinin üzvü Ceydon Sançonun Yuventusa keçidi hələlik qeyri-müəyyən vəziyyətdədir.
AzerVoice xəbər verir ki, futbolçunun şəxsi şərtlərlə razılaşmasına baxmayaraq, İtaliya klubu argentinalı cinah oyunçusu Niko Qonzalesi satmadan transferi yekunlaşdıra bilmir.
Qeyd edək ki, Niko Qonzales Yuventusa 2024-cü ilin yayında 30 milyon avro qarşılığında transfer olunub. Lakin 38 oyunda cəmi 5 qol və 4 məhsuldar ötürmə ilə yadda qalan futbolçu klubun əsas heyətindən uzaqlaşdırılıb.
“Sanço bir cinah oyunçusu komandadan ayrılacağı halda hədəfə çevrilə bilər. Hazırda Francisco Konseysao və Kenan Yıldız kimi yüksək səviyyəli oyunçularımız var. Niko Qonzales də böyük istedaddır, lakin qərar onun gələcəyindən asılı olacaq” – deyə klubun baş meneceri Damien Comolli bildirib.
Hazırda Atalantanın, Ademola Lookmanın İnterə keçəcəyi halda, Qonzalesi transfer etməkdə maraqlı ola biləcəyi qeyd olunur.
