BAKI, AzerVoice, Nailə Babazadə
Rodriqo baş məşqçi Xabi Alonsonun rəhbərliyi altında oyun imkanlarının azalmasına baxmayaraq, Real Madriddən ayrılmaq niyyətində deyil.
AzerVoice xəbər verir ki, Braziliyalı ulduz yeni mövsümdə start onbirlikdəki yerini bərpa etmək üçün mübarizə aparmaq əzmindədir.
Xəbərdə Real Madrid rəhbərliyinin futbolçunu satmaq niyyətində olmadığı, ancaq ən azı 90 milyon avroluq təklif alınacağı təqdirdə transferi nəzərdən keçirəcəyi qeyd edilib.
Vurğulanıb ki, indiyədək bu rəqəmə yaxınlaşan heç bir rəsmi təklif daxil olmayıb.
Braziliyalı oyunçu 2019-cu ildə "Real Madrid"ə keçib, burada 270 oyuna çıxıb və 68 qol vurub.
Qeyd edək ki, İngiltərənin Liverpul klubu kolumbiyalı hücumçu Luis Diazin Almaniyanın Bavariya klubuna mümkün transferi fonunda İspaniyanın Real Madrid komandasının braziliyalı ulduzu Rodriqonun xidmətində ciddi şəkildə maraqlanır.
