BAKI, AzerVoice, Fərid Mikayılov

Mançester Sitinin hücumçusu Erlinq Haaland Norveç millisində adının bundan sonra sadəcə "Haaland" deyil, "Braut Haaland" kimi yazılacağını açıqlayıb.

AzerVoice xəbər verir ki, bu barədə məlumatı idman geyimləri satışı ilə məşğul olan Unisportstore yayıb.

Bildirilib ki, Norveç azarkeşləri artıq sentyabr oyunlarından etibarən yeni formanı görəcəklər.

Norveç millisinin baş məşqçisi Stale Solbakken isə bu dəyişikliyə təəccübləndiyini bildirib.

“Bu, onun adıdır. Artıq çətin deyil. Mən bu haqda indiyə qədər heç nə bilmirdim” – deyə o bildirib.

Xatırladaq ki, 25 yaşlı hücumçunun Instagram hesabında da adı "Erling Braut Haaland" kimi qeyd olunub. O, yeni formanı sentyabrın 5-də Finlandiya ilə yoldaşlıq görüşündə, daha sonra isə 2026 Dünya Çempionatının seçmə mərhələsində Moldovaya qarşı debüt etdirəcək.