BAKI, AzerVoice, Nailə Babazadə
Süper Liqanın 7-ci həftəsinin açılış oyununda Qalatasaray səfərdə Alanyaspor-u 1:0 hesabı ilə məğlub etdi. Sarı-qırmızılılar bu nəticə ilə klub tarixində ilk dəfə olaraq mövsümə 7 qələbə ilə start vermiş oldu.
AzerVoice xəbər verir ki, Alanya Oba Stadionunda baş tutan qarşılaşmada yeganə qolu 23-cü dəqiqədə Mauro İkardi vurdu. Arjantinli hücumçu, Singo-nun ötürməsini qola çevirərək ardıcıl 4-cü liqa oyununda da fərqləndi.
İlk hissədə başqa qol olmayıb və Qalatasaray fasiləyə 1:0 üstünlük ilə yollanıb.
71-ci dəqiqədə meydan sahiblərində əvəzləmə zamanı meydana çıxan oyunçu tanış sima idi – Qalatasaray əfsanəsi Georghe Hagi-nin oğlu, Ianis Hagi.
84-cü dəqiqədə isə Barış Alper Yılmazın yerinə Qalatasarayın zədədən qayıdan yeni transferi Viktor Osimhen oyuna daxil olub.
Oyunun ikinci hissəsində hər iki komanda qol fürsətləri yaratsa da, hesab dəyişməyib. Beləliklə, Okan Burukun yetirmələri liqada 21 xala yüksələrək liderlik yürüşünü davam etdirir.
Qalatasaray növbəti turda İstanbul derbisində Beşiktaşı qəbul edəcək. Dörd oyundan sonra uduzan Alanyaspor isə Gençlerbirliyi ilə qarşılaşacaq.
Digər tərəfdən, bu mövsüm Türkiyəni UEFA Çempionlar Liqasında təmsil edən Qalatasaray, 30 sentyabr Çərşənbə axşamı günü evində Liverpulu qəbul edəcək.
