BAKI, AzerVoice, Nailə Babazadə
Kriştiano Ronaldo, Dünya Kuboku öncəsi bugün Ağ Evdə Donald Tramp ilə bir araya gələcək. Portuqaliyalı ulduzun ziyareti həm futbol, həm də diplomatiya dünyasında böyük həyəcan yaratdı.
AzerVoice xəbər verir ki, futbol dünyasının ən tanınmış ulduzlarından Kriştiano Ronaldo, ABŞ Prezidenti Donald Tramp ilə bugün Ağ Evdə görüşəcək. Görüşmə, Portuqaliyanın 2026 FİFA Dünya Kubokuna uğurla qatılmasından sonra, turnuvanın başlamasına bir neçə ay qalmış baş tutacaq.
Mundo Deportivonun məlumatına görə, Ronaldo 2026 Dünya Kubokunun ən böyük ulduzlarından biri hesab olunur. Portuqaliyanın çempionat öncəsi ABŞ milli komandası ilə hazırlıq oyunu keçirəcəyi iddia edilir; bu da Amerika futbolsevərlərinə çempionat başlamadan əvvəl Ronaldonu izləmə fürsəti verəcək.
Tramp əvvəlki illərdə FİFA Prezidenti Gianni Infantinonu Ağ Evdə qəbul etmişdi. İndi isə futbol tarixinin ən böyük oyunçularından biri hesab edilən Ronaldo da bu seçkin siyahıya qatılacaq. Son xəbərlərdə Ronaldonun Tramp ilə görüşmək istədiyi bildirilmiş və sonradan Ağ Ev ziyarəti rəsmi olaraq təsdiqlənmişdi.
Ronaldonun Ağ Ev ziyarəti eyni gün Trampın Səudiyyə Ərəbistanı Vəliəhdi Məhəmməd bin Salman ilə görüşü ilə üst-üstə düşür. Ronaldonun Səudiyyə klubu Əl-Nəsr ilə əlaqəsi nəzərə alındıqda, iki görüşün bir-biri ilə əlaqəli olub olmadığı hələlik aydın deyil.
Bu ziyarət yalnız futbol deyil, eyni zamanda diplomatik gündəmi də birləşdirən diqqətçəkən bir hadisə kimi tarixə düşəcək. Ronaldonun Dünya Kuboku öncəsi Ağ Ev ziyarəti artıq idman və siyasət dünyasında böyük həyəcan yaradıb.
