BAKI,AzerVoice, Nailə Babazadə
Türkiyədə futbolda mərclik araşdırmaları çərçivəsində, sabiq hakim və şərhçi Ahmet Çakar da daxil olmaqla çox sayda futbolçu və klub rəhbəri saxlanılıb.
AzerVoice xəbər verir ki, İstanbul Baş Prokurorluğu, ictimaiyyətdə “Futbolda Mərclik Araşdırmaları” kimi tanınan araşdırma çərçivəsində həyata keçirilən yeni əməliyyatla bağlı açıqlama yayıb.
Prokurorluğun yazılı açıqlamasında qeyd olunub ki, əməliyyat Maliyyə Cinayətlərini Araşdırma İdarəsi (MASAK) məlumatları, qanuni mərclik saytlarından əldə olunan məlumatlar, açıq mənbə araşdırmaları və Peşəkar Futbol Disiplin Şurası (PFDK)-nın 13 noyabr 2025-ci il tarixli iclasında cəza almış 101 futbolçuya dair analizlər əsasında həyata keçirilib.
Araşdırma nəticəsində, Qalatasaray klubunun peşəkar futbolçusu Metehan Baltacı da daxil olmaqla 27 futbolçunun, öz komandalarının oyunlarına mərc etdiyi müəyyən edilib.
Bundan əlavə, Fənərbaxça klubunun peşəkar futbolçusu Mert Hakan Yandaşın isə başqası vasitəsilə qanuni mərclik saytlarında mərc etdiyi təsbit olunub.
