BAKI, AzerVoice
“Qalatasaray”ın keçmiş qapıçısı Fernando Muslera yeni komandası – Argentinanın “Estudiantes” klubunda növbəti uğuruna imza atıb.
AzerVoice-un məlumatına görə, təcrübəli qapıçı son bir həftə ərzində iki fərqli turnirdə kubok qazanaraq karyerasına daha bir titul əlavə edib.
“Estudiantes” Argentina Çempionlar Kubokunun finalında “Platense” ilə qarşılaşıb. Görüş Musleranın komandasının 2:1 hesablı qələbəsi ilə yekunlaşıb və kubok “Estudiantes”in muzeyinə aparılıb.
Qeyd edək ki, “Estudiantes” bir həftə əvvəl, dekabrın 14-də Argentina Liqasının 2-ci mərhələsinin finalında “Rasinq Klub”u məğlub edərək çempion olmuşdu.
