BAKI,VOA, Fərid Mikayılov

Marko Rubio İranın 2026-cı il futbol üzrə dünya çempionatından kənarlaşdırılacağı və onun yerinə İtaliyanın qatılacağı barədə yayılan məlumatları təkzib edib.

VOA xəbər verir ki, Rubio bildirib ki, ABŞ hökuməti İranlı idmançıların ölkəyə girişinə məhdudiyyət tətbiq etməyib və bu məsələ idmançılarla bağlı deyil.

Onun sözlərinə görə, yalnız İran İnqilab Keşikçiləri Korpusu ilə əlaqəli olduğu ehtimal edilən şəxslərə qarşı məhdudiyyətlər tətbiq oluna bilər.

Məsələ ilə bağlı Donald Tramp da açıqlama verərək idmançıların siyasi proseslərdən zərər görməməli olduğunu vurğulayıb.

Qeyd edək ki, daha əvvəl bəzi məlumatlarda ABŞ, Meksika və Kanadanın ev sahibliyi edəcəyi 2026 FIFA Dünya Kubokunda İranın əvəzinə İtaliya millisinin iştirakının təklif olunduğu iddia edilirdi. Lakin rəsmi Vaşinqton bu xəbərləri təsdiqləməyib.