BAKI,VOA, Fərid Mikayılov

Argentina millisinin heyəti 2026-cı il dünya çempionatı üçün açıqlanıb və siyahıda Lionel Messinin də adı yer alıb.

VOA xəbər verir ki, Argentina Futbol Assosiasiyasının rəsmi məlumatına görə, baş məşqçi Lionel Scaloni mundial üçün yekun 26 nəfərlik heyəti müəyyənləşdirib.

Siyahıya Lionel Messi də daxil edilib.

Beləliklə, turnirdə meydana çıxacağı təqdirdə Messi karyerasında altıncı dəfə dünya çempionatında iştirak etmiş olacaq və mundial tarixində ən çox iştirak edən futbolçu rekorduna sahib çıxacaq.

Bu göstəricini təkrarlamaq şansı isə Portuqaliya millisinin hücumçusu Kristiano Ronaldoda da olacaq.

2026-cı il dünya çempionatı ABŞ, Kanada və Meksikada keçiriləcək. Turnir iyunun 11-dən iyulun 19-dək davam edəcək.