BAKI,VOA, Fərid Mikayılov

"Real Madrid"in və Türkiyə millisinin futbolçusu Arda Gülər UEFA Çempionlar Liqasında 2025/26 mövsümünün ən yaxşı çıxış edən oyunçusu seçilib.

VOA xəbər verir ki, UEFA-nın yaydığı açıqlamada gənc yarımmüdafiəçinin turnir ərzində göstərdiyi performans yüksək qiymətləndirilib.

Bildirilib ki, Arda Gülər xüsusilə liqa mərhələsində "Yuventus"a qarşı keçirilən oyunda komandasının qələbəsində əsas rol oynayıb. Onun yarımüdafiədə nümayiş etdirdiyi yaradıcılıq və oyuna nəzarət bacarığı həmin görüşdə "Matçın oyunçusu" mükafatını qazanmasına səbəb olub.

21 yaşlı futbolçu Çempionlar Liqasında bu mövsüm vurduğu iki qolu da "Bavariya"ya qarşı dörddəbir final qarşılaşmasında qeyd aldırıb. Arda həmçinin komanda yoldaşlarına 4 məhsuldar ötürmə verərək turnirin diqqət çəkən gənc oyunçularından biri olub.