BAKI,VOA, Fərid Mikayılov
İngiltərə Premyer Liqasının nəhəngi "Mançester Siti" ilə yollarını ayıran portuqaliyalı ulduz Bernardo Silvanın yeni klubu rəsmən bəlli olub.
VOA xəbər verir ki, adı bir müddət transfer bazarında "Qalatasaray"la da hallanan 31 yaşlı yarımmüdafiəçi İspaniya divi "Real Madrid"lə hər mövzuda razılıq əldə edib.
Dünya futbolundakı transfer xəbərləri üzrə insayder, italiyalı jurnalist Fabrisio Romanonun yaydığı eksklüziv məlumata görə, "kral klubu" portuqaliyalı oyunçu ilə "2+1" illik müqavilə imzalayacaq. Transferin pərdəarxasında "Real Madrid"in yeni baş məşqçisi Joze Mourinyonun böyük rolu olduğu bildirilir. Həmyerlisinin komandada görməkdə israrlı olmasından sonra Madrid rəhbərliyi ulduz futbolçunu layihəyə razı sala bilib. Tərəflərin qısa müddət ərzində rəsmi müqaviləyə imza atacağı gözlənilir.
Bernardo Silva geridə qalan mövsümdə "Mançester Siti" forması ilə çıxdığı 53 rəsmi oyunda 3 qol və 5 məhsuldar ötürmə ilə yadda qalıb. Ulduz futbolçu ardıcıl 9 mövsüm şərəfini qoruduğu Mançester təmsilçisində ümumilikdə 460 matça çıxaraq 76 qol vurub və 77 assist müəllifi olub. Portuqaliya millisinində də əsas sütunlarından olan Silva, yığmada keçirdiyi 109 oyunda 14 qol və 29 məhsuldar ötürməyə imza atıb.
