Bakı, AzerVoice
2025 - ci ilin yanvar ayında Türkiyənin İskenderun limanı 5 milyon 850 min 659 ton yük qəbul edib.
Bu barədə AzerVoice -a Türkiyənin Nəqliyyat və İnfrastruktur Nazirliyindən məlumat verilib.
Nazirlikdən verilən məlumata görə, İskenderun limanından Türkiyə bayrağı altında üzən 354 min 951 ton yük, digər ölkələrin bayraqları altında üzən gəmilərlə isə 5 milyon 495 min 708 ton yük daşınıb.
2025 - ci ilin yanvar ayında İskenderun limanından 310 min 179 ton tranzit yük aşırılıb.
Qeyd edək ki, 2025-ci ilin yanvar ayında Türkiyə limanları 37 milyon 417 min 998 ton yük qəbul edib.
Bu dövr ərzində də Türkiyə bayrağı altında gəmilərlə daxili limanlara yük qəbulu 2 milyon 708 min 146 ton təşkil edib.
“Türkiyə limanlarına digər ölkələrin bayraqları altında gəmilərlə yük daşınması 34 milyon 709 min 852 ton olub”, – deyə nazirlikdən bildirilib.
Məlumatda bildirilib ki, 2025-ci ilin yanvar ayında Türkiyə limanlarından 5 milyon 883 min 4 ton transit yük daşınıb.
Nazirlikdən verilən məlumata görə, 2024-cü ilin yanvar ayında Türkiyə limanları 33 milyon 232 min 804 ton yük qəbul edib.
“Türkiyə bayrağı altında gəmilərlə yük qəbulu 2 milyon 368 min 676 ton təşkil edib. Digər ölkələrin bayraqları altında gəmilərlə isə Türkiyə limanlarına yükdaşımalar 30 milyon 864 min 128 ton təşkil edib”, – deyə məlumatda qeyd edilib.
Məlumatda bildirilib ki, 2024-cü ilin yanvar-dekabr aylarında Türkiyə limanlarından 69 milyon 64 min 361 ton transit yük daşınıb.
Bununla yanaşı, 2024-cü ilin dekabr ayında Türkiyə limanlarından 5 milyon 194 min 876 ton transit yük daşınıb.
Qeyd edək ki, bu ilin yanvar ayında Türkiyə limanları 4 min 580 gəmi qəbul edib.
Məlumata görə, bu dövrdə Türkiyə limanlarına digər ölkələrin bayraqları altında qəbul edilən gəmilərin sayı 3 min 122, Türkiyə bayrağı altında qəbul edilən gəmilərin sayı isə min 458 olub.
2024-cü ilin yanvar ayında Türkiyə limanları 4 min 352 gəmi qəbul edib.
“Bu müddət ərzində Türkiyə limanları tərəfindən qəbul edilən digər ölkələrin bayraqları altında olan gəmilər 2 min 953, Türkiyə bayrağı altında olan gəmilər isə min 399 olub”, - deyə nazirlikdən bildirilib.
