Bakı, AzerVoice
Nigeriyadan olan iş adamları Azərbaycan istehsalı olan KLASS əyləc bəndlərinin idxalında maraqlıdırlar.
Bu haqda AzerVoice-ə “BRAKE SYSTEMS AZERBAİJAN” şirkətindən bildiriblər.
Məlumatda qeyd olunub ki, Nigeriyadan olan iş adamları müəssisədəki iş, eləcə də istehsal prosesi ilə tanış olublar.
“İş adamları Azərbaycan istehsalı olan KLASS əyləc bəndlərinin bəyəniblər və qeyd ediblər ki, Azərbaycan istehsalı Nigeriyada müxtəlif ölkədən idxal edilən əyləc bəncdlərini əvəz edə bilər”-deyə şirkətdən bildiriblər.
Qeyd edək ki , daha öncə “BRAKE SYSTEMS AZERBAİJAN” rəhbərliyi ilə Küveyt və İraqdan olan işadamları arasında, Azərbaycan istehsalının olan əyləc sisteminin bu ölkələr ixrac edilməsi məsələsi müzakirə olunmuşdu.
Məlumat üçün bildirək ki, “BRAKE SYSTEMS AZERBAİJAN” MMC, Hacıqabul sənaye parkının rezidentidir və bu gün müəssisənin istehsal etdiyi məhsul Azərbaycan bazarına ən çox tələbat olan əyləc bəndlərindən biridir.
Qeyd edək ki, “BRAKE SYSTEMS AZERBAİJAN” MMC 2020-ci ildə təsis edilib. Müəssisə “Klass” brendi adı altında, Azərbaycanda ilk dəfə olaraq əyləc bəndlərinin istehsalını qurub.
Müəssisə məhsul sınaqlarını başa vuraraq, yüksək keyfiyyətli məhsul istehsalına nail olub və hazırda 200-dən artıq avtomobil modelləri üçün əyləc bəndləri istehsal etmək imkanına malikdir.
Məhz “Klass” Brendinin bütün Texnoloji standartlara və Keyfiyyət standartlarına uyğun məhsul istehsal etməsi, Keyfiyyətə Nəzarət Sistemi tərəfindən öz təsdiqini tapıb.
Müəssisənin müasir avandanlıqlar və peşakar işçi qüvvəsinə malik olması, məhsulların keyfiyyət göstəricilərini özündə əks etdirən başlıca amillərdən biridir.
İstehsal edilən əyləc bəndləri sabit sürtünmə səviyyəsi, aşınma müqaviməti, yüksək vibrasiya udma və aşağı səs istehsalı ilə hazırlanması şirkəti fərqli edən əsasə cəhətlərdəndir.
“BRAKE SYSTEMS AZERBAİJAN” MMC-nin istehsal etdiyi əyləc bəndləri, Azərbaycan bazarında və bir sıra ölkə bazarlarında istehlakçılar tərəfindən daim seçilib və öz növbəsində ən etibarlı əyləc bəndi ünvanına sahib olub.
