BAKI,VOA
Səudiyyə Ərəbistanı Müdafiə Nazirliyi paytaxt Riyad istiqamətində atılan ballistik raketin hava hücumundan müdafiə sistemləri tərəfindən uğurla dəf edildiyini açıqlayıb. Nazirlik hücumun qarşısının alındığını və əhali arasında xəsarət alan olmadığını bildirib.
VOA xəbər verir ki,müdafiə Nazirliyinin rəsmi bəyanatında qeyd olunur ki, Riyadın yaşayış məntəqələrini hədəf alan raket havada zərərsizləşdirilib. Digər bir raketin isə boş əraziyə düşdüyü bildirilir. Hadisə nəticəsində hər hansı maddi ziyan və ya tələfat qeydə alınmayıb.
