BAKI,VOA, Nailə Babazadə
İran dövlət televiziyasının Qum Valiliyinə istinadən yaydığı məlumata görə, ABŞ və İsrail qüvvələrinin şəhərin yaşayış binalarını hədəf alması nəticəsində insan itkisi artıb.
VOA xəbər verir ki, rəsmi açıqlamada "Amerika-Sionist təcavüzkarların Pərdisan bölgəsindəki bir məhəlləyə təşkil etdiyi hücumda şəhid sayı 18-ə çatdı" ifadələri işlədilib.
Hücum zamanı həmçinin 10 nəfərin yaralandığı, dağıntılar altından yeni cəsədlərin çıxarılma ehtimalı olduğu üçün ölənlərin sayının daha da artacağından narahatlıq ifadə olunub. Xatırladaq ki, ötən gün Qum şəhərinin Pərdisan bölgəsində 3 yaşayış binasının hədəf alınması nəticəsində ilkin olaraq 6 nəfərin həyatını itirdiyi bildirilmişdi. Lakin xəstəxanadakı ağır yaralıların vəfatı və axtarış-xilas etmə tədbirləri nəticəsində bu rəqəm kəskin artıb.
