BAKI,VOA, Fərid Mikayılov
ABŞ və İsrailin həyata keçirdiyi hücumlar nəticəsində İranın mərkəzi və cənub-qərb bölgələrində yerləşən iri polad kompleksləri zərər görüb.
VOA xəbər verir ki, İsfahan vilayətində yerləşən “Mobarakeh Steel Company” kompleksində istehsal bölmələrinə ciddi ziyan dəyib və geniş dağıntılar qeydə alınıb.
Eyni zamanda, şirkətin törəmə müəssisəsi olan Səfid Daşt polad zavodu da hücum nəticəsində zərər çəkib. Bundan başqa, Xuzistan bölgəsində yerləşən polad istehsalı müəssisələrinin də hədəfə alındığı bildirilir.
Ekspertlər qeyd edir ki, polad sənayesi hərbi və sənaye istehsalı üçün strateji əhəmiyyət daşıyır və bu sahəyə yönələn zərbələr İranın müdafiə və sənaye imkanlarına təsir göstərə bilər.
Analitiklərin fikrincə, bu hücumlar regionda hərbi qarşıdurmanın yeni mərhələyə keçdiyini göstərir və iqtisadi infrastruktura yönələn zərbələrin artması gözlənilir.
