BAKI,VOA, Orxan Qədirzadə
Reuters agentliyinin Pakistan mənbəsinə istinadən yaydığı məlumata görə, Vaşinqton ilə Tehran arasında qeyri-rəsmi diplomatik səylərdə irəliləyiş qeydə alınıb.
Məlumata əsasən, tərəflər arasında yaxın vaxtlarda keçirilməsi gözlənilən görüş nəticəsində ilkin mərhələdə anlaşma memorandumu, daha sonra isə 60 gün ərzində daha genişmiqyaslı razılaşmanın əldə olunması mümkündür.
Mənbə qeyd edir ki, danışıqlar prosesi rəsmi çərçivədən kənarda aparılsa da, tərəflər arasında gərginliyin azaldılması və uzunmüddətli razılaşma üçün zəminin formalaşdırılması istiqamətində konkret addımlar atılır.
Qeyd edək ki, son dövrlərdə regionda artan gərginlik fonunda ABŞ və İran arasında mümkün razılaşma perspektivləri beynəlxalq ictimaiyyət tərəfindən diqqətlə izlənilir.
