BAKI,VOA, Fərid Mikayılov
İran tərəfi BƏƏ-nin Fuceyra limanında baş verən yanğının ölkə tərəfindən planlaşdırılmış hücum olmadığını bəyan edib və məsuliyyəti ABŞ-ın üzərinə qoyub.
VOA xəbər verir ki, İranlı hərbi mənbə hadisənin Hörmüz boğazı ətrafında ABŞ-ın hərbi fəaliyyətləri nəticəsində baş verdiyini iddia edib.
Açıqlamada bildirilib ki, ABŞ-ın bölgədə hərbi aktivliyi gəmiçiliyin qeyri-qanuni şəkildə təmin olunmasına yönəlib və bu addımlar enerji obyektləri üçün risk yaradır.
İran tərəfi ABŞ-ı regionda “hərbi avantürizm”də ittiham edərək, belə addımların qlobal iqtisadiyyata mənfi təsir göstərə biləcəyini vurğulayıb.
