BAKI,VOA, Fərid Mikayılov

İsrailin təhlükəsizlik orqanları İrana casusluqda şübhəli bilinən üç hərbçi və bir mülki şəxsi saxlayıb.

VOA xəbər verir ki, saxlanılan şəxslər yetkinlik yaşına çatmamış dövrdə İran kəşfiyyatı ilə əməkdaşlıq etməkdə ittiham olunurlar.

Bildirilib ki, onlar İsrail Hərbi Hava Qüvvələrinə məxsus təlim obyektləri də daxil olmaqla bir sıra həssas məkanların görüntülərini çəkərək məlumat ötürməkdə şübhəli bilinirlər.

İsrailin daxili təhlükəsizlik xidməti “Şin Bet” və polis orqanları bəzi şübhəlilərin İran agentləri ilə öz təşəbbüsləri əsasında əlaqə qurduğunu açıqlayıb.

Qeyd olunub ki, saxlanılan şəxslər mart ayında həbs edilsələr də, ittiham aktı yalnız indi Baş Prokurorluq tərəfindən məhkəməyə təqdim edilib.