BAKI,VOA, Fərid Mikayılov
İran Xarici İşlər Nazirliyinin sözçüsü İsmayıl Bəqai bildirib ki, Çin hazırkı gərginliyin İran üçün “məcburi müharibə” olduğunu anlayır.
VOA xəbər verir ki, onun sözlərinə görə, bu proses qəfil hadisə deyil, ABŞ-ın beynəlxalq hüquqa zidd addımlarının davamı kimi qiymətləndirilir.
Bəqai qeyd edib ki, İran xarici işlər naziri Abbas Əraqçi ötən həftə Pekində olub və Tehranın mövqelərini Çin tərəfinə çatdırıb.
O əlavə edib ki, Çin regionda – xüsusilə Fars körfəzi, Oman körfəzi və daha geniş Asiya–Sakit okean bölgəsində sabitliyin qorunmasına böyük önəm verir və ABŞ-ın addımlarının qlobal iqtisadi təhlükəsizliyə risk yaratdığına dair xəbərdarlıqlar edir.
