BAKI,VOA,Yusif Şərifzadə
Səudiyyə Ərəbistanının xarici işlər naziri Feysəl bin Fərhan Əl Səud ABŞ Prezidenti Donald Trampın İranla bağlı hücum planlarını müvəqqəti dayandıraraq danışıqlara daha çox vaxt vermək qərarını müsbət qarşılayıb.
VOA xəbər verir ki, nazir bildirib ki, Səudiyyə Ərəbistanı bu addımı alqışlayır, çünki bu, diplomatiyaya imkan yaradaraq “müharibənin dayandırılması, Hörmüz boğazında dəniz nəqliyyatının təhlükəsizliyi və azadlığının bərpası” üçün qəbul edilə biləcək razılaşmaya yol aça bilər.
Nazir “X” platformasında yazıb ki, İran da danışıqların irəliləməsinə yönəlmiş səylərə “təcili şəkildə cavab verməlidir” və bu proses hərtərəfli bir sazişlə nəticələnməlidir.
