BAKI,VOA,Yusif Şərifzadə
ABŞ Prezidenti Donald Tramp İranla əldə olunan memorandumun mətninin rəsmi şəkildə ictimaiyyətə təqdim ediləcəyini bildirib.
VOA xəbər verir ki, Tramp bu barədə Yeddilər Qrupu sammiti çərçivəsində jurnalistlərə açıqlama verib.
ABŞ lideri qeyd edib ki, sənəd yalnız yayımlanmayacaq, eyni zamanda xüsusi mətbuat konfransında tam şəkildə oxunacaq.
Onun sözlərinə görə, məqsəd memorandumun ictimaiyyət və media tərəfindən dəqiq və düzgün anlaşılmasını təmin etməkdir.
Tramp bildirib ki, bu sənəd çox mühüm əhəmiyyət daşıyır və onun hər bir bəndi açıq şəkildə təqdim ediləcək.
Açıqlamaya əsasən, mətbuat konfransında memorandumun bütün detalları mərhələli şəkildə izah olunacaq.
ABŞ Prezidenti sənədin beynəlxalq münasibətlər baxımından vacib mərhələ olduğunu vurğulayıb.
