BAKI,VOA, Fərid Mikayılov

İran parlamentinin sədri Məhəmməd Baqir Qalibaf 2026-cı il futbol üzrə dünya çempionatında çıxış edən İran milli futbol komandasını təbrik edib.

VOA xəbər verir ki, Qalibaf təbrik mesajında futbolçuların dünya çempionatında ölkənin adını layiqincə təmsil etdiyini bildirib.

"İranın adını dünya çempionatının böyük arenasında qorudunuz, ölkəmizin himnini bütün dünyaya səsləndirdiniz və İran bayrağını qürurla nümayiş etdirdiniz", – deyə o vurğulayıb.

Parlament sədri qeyd edib ki, komanda hərtərəfli təzyiqlərlə üzləşdiyi şəraitdə əzmkarlıqla mübarizə apararaq İran xalqının iradəsini, həmrəyliyini və yüksək döyüş ruhunu nümayiş etdirib.

İran rəsmiləri daha əvvəl bildirmişdilər ki, milli komanda ABŞ tərəfindən tətbiq olunduğunu iddia etdikləri viza və yerləşdirmə problemləri səbəbindən dünya çempionatı ərzində "ən çox siyasiləşdirilən" komandaya çevrilib.