BAKI,VOA, Fərid Mikayılov

İran Xarici İşlər Nazirliyi (XİN) ABŞ-nin İranın cənub sahillərində yerləşən bəzi müşahidə məntəqələrinə endirdiyi zərbələrin tərəflər arasında əldə olunmuş memorandumun əsas müddəalarını pozduğunu bəyan edib.

VOA xəbər verir ki, bəyanata əsasən, ABŞ-nin İrana qarşı hücumlarını davam etdirməsi, ABŞ Maliyyə Nazirliyinin İran neftinin satışına tətbiq edilən məhdudiyyətlərin aradan qaldırılması ilə bağlı qərarı ləğv etməsi, Hörmüz boğazı ilə bağlı İranın müəyyən etdiyi qaydaların pozulması və İsrailin Livana qarşı hərbi əməliyyatlarını davam etdirməsi memorandumun əsas müddəalarını etibarsız hala gətirib.

İran XİN vurğulayıb ki, bölgədə gərginliyin yenidən artmasının nəticələrinə görə məsuliyyət ABŞ-nin üzərinə düşür.

Açıqlamada qeyd olunub ki, İran öz ərazi bütövlüyünü və müstəqilliyini qorumaq məqsədilə özünümüdafiə hüququndan istifadə etməkdə davam edəcək və hücumların həyata keçirildiyi məntəqələri hədəf almağı sürdüəcək.

Bununla yanaşı, İran Xarici İşlər Nazirliyi Fars körfəzinin cənubunda yerləşən ölkələrə beynəlxalq öhdəliklərini xatırladaraq, onların ərazilərinin İrana qarşı hərbi əməliyyatlar üçün istifadə edilməməsinin vacibliyini vurğulayıb.