BAKI,VOA,Yusif Şərifzadə
ABŞ Prezidenti Donald Tramp İranın ABŞ-la qarşıdurmada “ilk addımı atdığını” bildirib və bunu böyük səhv adlandırıb. O, Vaşinqtonun Tehrana razılaşma əldə etmək üçün imkan verdiyini iddia edib.
VOA xəbər verir ki, Donald Tramp Ağ Evdə jurnalistlərə açıqlamasında İranla bağlı son hadisələrə münasibət bildirib.
Tramp deyib ki, ABŞ İranla razılaşma əldə etmək üçün Tehrana fürsət vermək istəyib.
“Mən onlara razılaşma əldə etmək üçün şans vermək istəyirdim. Onlar isə ilk atəşi açdılar və bu, böyük səhv idi”, - deyə Tramp bildirib.
ABŞ Prezidenti əlavə edib ki, İranla bağlı hərbi əməliyyatlar nəticəsində Tehranın imkanlarına ciddi zərbə vurulub.
Tramp ABŞ-ın İranın hərbi imkanlarının böyük hissəsini məhv etdiyini iddia edib.
O, İran rəhbərliyini çətin tərəfdaş kimi qiymətləndirərək, ABŞ-ın həyata keçirdiyi addımların ölkənin hərbi potensialına təsir etdiyini bildirib.
ABŞ və İran arasında artan qarşıdurma fonunda tərəflər bir-birini eskalasiyanın başlanmasında ittiham etməkdə davam edir.
