PKK ləğv olunmalıdır - Öcalan

PKK terror təşkilatı ləğv olunaraq silahları yerə qoymalıdır.

AzerVoice xəbər verir ki, bunu İmralıya Abdullah Öcalanla görüşməyə gedən DEM partiya üzvləri canlı yayımda səsləndirib.

Öcalanın mesajı ilk öncə partiya üzvləri tərəfindən kürt dilində daha sonra türk dilində səsləndirilib.

"Silahları yerə qoyma çağırısı edirəm, bu tarixi çağırının məsuliyyətini öz üzərimə götürürəm.Bütün qruplar silahı yerə qoymalı və PKK özünü buraxmalıdır ",- deyə Öcalanın mesajında qeyd olunub

Qeyd edək ki, Türkiyə hökuməti ilə PKK arasında uzun müddətdir davam edən münaqişənin həlli istiqamətində yeni bir sülh prosesinin başlanğıcı ola bilər.

Xatırladaq ki, PKK lideri Abdullah Öcalan 26 ildir İmralı həbsxanasında saxlanılır. O, 1999-cu il fevralında Milli Kəşfiyyat Təşkilatının əməliyyatı nəticəsində Keniyada saxlanılıb və Türkiyəyə gətirilib. O, ölüm cəzasına məhkum edilsə də, hökm sonradan ömürlük həbs cəzası ilə əvəzlənib.

PKK (Kürdüstan Fəhlə Partiyası - Partiya Karkerên Kurdistan), 1978-ci ildə hazırda həbsdə olan Abdullah Öcalan tərəfindən Türkiyədə qurulmuş bir terror təşkilatdır. PKK, kürdlərin hüquqlarını müdafiə etdiyini ddia edir.

Qısa Tarixi və Məqsədləri:

Terror təşkilatı 1984-cü ildən etibarən Türkiyəyə qarşı silahlı mübarizəyə başlayıb.
Başlanğıcda marksist-leninist ideologiyaya əsaslanırdı, sonralar isə demokratik konfederalizm modeli altında maskalanmağa başladı.
Kürd muxtariyyəti və ya müstəqilliyi uğrunda mübarizə apardığını iddia edir. PKK bir çox kürdlər tərəfindən dəstəklənmir.

Beynəlxalq Statusu:

Türkiyə, ABŞ, Avropa İttifaqı və bir çox ölkələr tərəfindən terror təşkilatı kimi tanınır.
Suriya, İraq və İran daxilində müxtəlif terror qruplarlı ilə əlaqələri var.
Suriyada PKK-ya bağlı YPG (Xalq Müdafiə Dəstələri) fəaliyyət göstərir. ONların ən aktiv dəstəkçisi ABŞ və avropa ölkələrindir. Türkiyənin etirazına baxmayara ABŞ güya İŞİD-ə qarşı mübarizə adı altında PKK-nın Suriya qolunu dəstəkləyib.