Bakı. AzerVoice:
İsrail Qəzzada girovları azad etmək üçün HƏMAS ilə razılaşıb.
AzerVoice xəbər verir ki, bu barədə İsrailin rəsmi telekanalı KAN paylaşım edib.
ABŞ prezidenti Co Baydenin elan etdiyi Qəzza zolağında atəşkəs təklifinin birinci mərhələsində İsrailin Qəzza zolağında “ölü və ya diri” 33 girovun azad edilməsi də daxil olmaqla, HƏMAS ilə əsir mübadiləsi razılaşmasını qəbul etdiyi iddia edilib.
Girovlar qrup halında 6 həftəlik azadlığa buraxılacaq, bunun sonunda İsrail və HƏMAS arasında daimi atəşkəs, yəni müharibənin başa çatması ilə bağlı danışıqlara başlanacaq və daha sonra razılaşmanın ikinci mərhələsi başlayacaq.
Qeyd olunub ki, ikinci mərhələdə əsgərlər və kişilər də daxil olmaqla, bütün girovlar azad ediləcək, lakin iki tərəf arasında müharibəni tamamilə dayandırmaq barədə razılıq əldə olunmayınca bu, baş tutmayacaq.
Üçüncü mərhələdə Bütün ölən girovların cəsədləri təhvil veriləcək.
Xatırladaq ki, Bayden mayın 31-də Ağ Evdəki çıxışında İsrailin üç mərhələdən ibarət yeni atəşkəs təklifi təqdim etdiyini bildirib.
İsrailin baş naziri Benyamin Netanyahu isə Qəzza zolağında bütün məqsədlərə çatana qədər müharibənin davam etdirilməsində israrlı olduğunu bildirib.
Həmas həmçinin İsrailin təqdim etdiyi və ABŞ prezidenti Co Baydenin “daimi atəşkəs, işğalçı qüvvələrin Qəzza zolağından çıxarılması, yenidənqurma və məhbus mübadiləsi” ilə bağlı elan etdiyi təkliflərə müsbət baxdıqlarını açıqlayıb.
Hafiz Rufizoğlu
