Bakı, AzerVoice
Türkiyənin 81 vilayətində axtarışda olan şəxslərə qarşı həyata keçirilən “Çember-21” əməliyyatları zamanı son 5 gündə dörd min 491 qaçaq tutulub.
AzerVoice xəbər verir ki, bu barədə Türkiyənin Daxili İşlər Naziri Ali Yerlikaya sosial media hesabında açıqlama verib.
Nazir Türkiyənin 81 vilayətində keçirilən "Çember-21" əməliyyatları zamanı son beş gündə tam dörd min 491 şəxsin saxlanıldığını bildirib
Belə ki, 5 ilə qədər axtarışda olan 4 min 455 nəfər, 5-10 il ərzində axtarışda olan 19 nəfər, 10 il və daha uzun müddətdir axtarışda olan 17 nəfərin saxlanıldığı bildirilib.
Saxlanılanlardan 690-ı oğurluğa görə, 291-i dələduzluq səbəindən,130-u talançılıqdan, 118-i adam öldürmə, 128-i seksual xarakterli cinayətlərə görə, 860-ı narkotik cinayətlərinə görə, 26-sı terrorizmə görə, və 400 nəfər də KOM (Mütəşəkkil Qaçaqmalçılıq) və digər cinayətlərə görə olmaqla ümumilikdə 4491 nəfər məsuliyyətə cəlb edilib..
