Bakı, AzerVoice:
Amerikalı siyasətçi Dennis Ross, İsrailin, HƏMAS-ın keçirdiyi Əl-Əqsa Tufanı əməliyyatının əks-sədası nəticəsində böyük bir siyasi dəyişikliyə şahid olacağını proqnozlaşdıraraq, HƏMAS-ın məhv edilməsinin mümkünsüzlüyünü bildirib.
AzerVoice xəbər verir ki, buna baxmayaraq siyasətçi Qəzzanın silahsızlaşdırmaq mümkün olduğunu da düşünür.
Ross İtaliyanın "La Repubblica" qəzetinə verdiyi müsahibəsində bildirib ki, fələstinliləri başqa yerə qovmaq zərurətində israr etmək, həddən artıq sionist düçüncəyə sahib çıxmaq deməkdir.“
Biz İsraildə böyük siyasi dəyişikliyi görmək üzrəyik. 7 oktyabr baş nazir Netanyahunun siyasi karyerasında ən qara gün olub. İllər boyu aldıqları sarsıntılardan yorulan fələstinlilərlə israillilər arasındakı qarşıdurma ekzistensial münaqişəyə çevrilib. Yeganə həll yolu iki xalq üçün iki dövlətdir. Siz HƏMAS-ı aradan qaldıra bilməzsiniz, çünki bu fikri aradan qaldırmaq mümükün deyil”,- deyə Ross bildirib.
Döyüşlərin dayandırılmasından sonrakı dövr ərzində Avropa Birliyinin Qəzzada ərəblərin rəhbərlik etdiyi müvəqqəti BMT missiyası təklifi ilə bağlı fikir bildirən Ross qeyd edib ki, müvəqqəti idarəetmə üçün bir neçə uyğun model var.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
7 oktyabrdan bu günə qədər davam edən münaqişədə Qəzzada 30-minə yaxın dinc insan öldürülüb.
Qeyd edək ki, 26 yanvar tarixində Beynəlxalq Ədalət Məhkəməsi (ICJ) Cənubi Afrika Respublikasının İsrailə qarşı qaldırdığı “soyqırım” işi üzrə müvəqqəti tədbirlər tələbi ilə bağlı qərarını açıqlayıb.
Məhkəmə İsrailin mühakimə olunacağını bildirib və İsraildən bir ay ərzində hesabat təqdim etməyi tələb edib.
