Bakı, VOA

İran Xarici İşlər Nazirliyinin sözçüsü Nasser Kenani Qəzzada törədilən insanlığa qarşı cinayətləri izah etməyin mümkün olmadığını bildirərək ABŞ-ın da bu məsələdə ən azı İsrail qədər günahkar olduğunu bildirib

 VOA xəbər verir ki, bu barədə Kənani X sosial media hesabında paylaşım edib. O paylaşımında Fələstində və Qəzzada insanlığa qarşı törədilən cinayətlərə diqqət çəkib.

“(Qəzzada) bu dəhşətli qətllərin davam etməsində ABŞ və İsrail tərəfdarlarının günahı (sionist) rejimdən az deyildir” - deyə o qeyd edib.

Fələstində və Qəzzada insanların başına gətirilən əzab və iztirabı sözlə ifadə etməyin mümkün olmadığını vurğulayan Kenani, qətllər qarşısında susmağın insani və mənəvi məsuliyyətdən qaçmaq olduğunu deyib.