BAKI, AzerVoice
İsrail ordusu, Livanın cənubunda “Hizbullah”a məxsus hərbi obyektlərə hava zərbələri endirib.
AzerVoice xəbər verir ki, bu barədə İsrail Ordusunun mətbuat xidməti məlumat yayıb.
Məlumata görə, "Hibullah"a məxsus raket infrastrukturu, o cümlədən raket buraxılış qurğuları və silah-sursat anbarlarını hədəf alıb.
İsrail tərəfi iddia edir ki, “Hizbullah” qüvvələri bu bölgələrdə öz fəaliyyətlərini bərpa etməyə çalışır. Ordunun açıqlamasında qeyd olunub: “Hizbullahın mövcudluğu və fəaliyyəti, İsrail ilə Livan arasında atəşkəs razılaşmalarının kobud şəkildə pozulmasıdır. İsrail Müdafiə Ordusu, İsrail Dövlətinə yönəlmiş istənilən təhdidi aradan qaldırmaq üçün tədbirlər görməyə davam edəcək.”
